حبايبى جايبه لكوا دلوقتى طريقة كفته ولا كفتة الحاتى
أنابجيب لحمه مفرومه وأعمل فى الخلاط تتبيله عباره عن بصل أخضر وفلفل أخضر وفلفل شطه و ملح و فلفل و قرنفل و بابريكا و قرفه وممكن بقدونس وممكن تحطى شويه من توابل الكفته الجاهزه و أضربهم فى الخلاط واعجنهم باللحم المفروم و أحطها بالتلاجه 3 ساعات مثلا.
بعدين أصبعها صوابع طويله وألفها حوالين الملعقه الخشب علشان تبقى مفرغه ومستويه من النص. والجديد بقى إنى ألف كل صابع كفته فى المومنيوم فويل زى البونبونايه وهكذا لحد ما أخلص كل مقدار الكفته وده شكلها قبل ما تدخل الفرن.
أدخلها الفرن تتشوى على درجة حرارة عاليه ولو نزلت دهون أرميها و أكمل الشوى عادى فى الفرن وده شكلها بعد لما خرجت من الفرن.
وتحطيها على السفره وكل واحد ياخد بونبويه يقشرها وياكلها و أنا قشرت لكوا مخصوص علشان تشوفوا شكلها...
موضوع: كفتة لحم مشويه بالصور 
السبت مارس 26, 2011 2:23 pm
