المقادير
4 بيضات
2 خميرات الحلوى
1 لافاني
6 معالق كبار عامرين مزيان دقيق
2 معالق كبار عامرين مزيان كاوبيل/ ممكن نستعملو بودرة الكاكاو فبلاصة كاوبيل
كاس صغير سنيدة
كاس صغير زيت
كوكوط و زبدة باش ندهنوها و شوية الطحين باش نرشوها
الطريقة
في اناء نديرو البيض و السنيدة و لافاني و نخلطوهم مزيان حتى تدوب سنيدة
و نزيدو الزيت و نخلطو مزيان
عاد نزيدو الطحين و كاوبيل و الخميرة و نحركو حتى يتجانس الخليط
نكبوه فالكوكوط و نسدوها و ما نديروش الصفارة
نديروها فوق البوطة على نار مهيلة بزاف يعني ننقصو البوطة على حدها
نخليوها من 20 حتال 30 دقيقة تقريبا
المهم منين نشوفو دخان ابيض خرج من بلاصة الصفارة نعرفوها طابت و نطفيو عليها
موضوع: كيكة ديال الكوكوط روعة يا سلام 
الجمعة مارس 18, 2011 4:33 pm
