شوربة بحرية لذيذه بالصور

أولا نجمع جميع الحيوانات البحرية ...
طبعا((اللوبستر طلبت من المحل يقصه ليا ويطلع لي اللحم الموجود فيه..وإذا عندك المقص الخاص فيه ممكن تستخدميه))
الكراب أو أبو مقص..زي ماهوا
الجمبري(نظفته تمام وقشرته ...والجزء النظيف من القشر تركته للشوربة والجزء إللي مو نظيف كبيته ,,ونترك قطع بذيلها عشان يكون شكلها حلو في التقديم ))

السمك (إجمعي عظام السمكة وشوكها وحتى القطع إللي فيها لحم ))

ممكن لو عندك محار تضيفيه يطلع الشوربة روعه بس أنا ماكان عندي يومها ..تنظفيه وتضيفيه مثل ماهوا

نغسل الجميع بالماء الساخن والملح


نسيح زبدة وزيت زيتون ثم نشوح فيها حبة بصلة مقطعه شرائح +نصف حبة زنجبيل مقطعه شرائح+حبتين بصل أخضر مقطع لأعواد كبيرة +ملح خشن +الأعشاب والبهارت إللي ذكرتها في الأول



ثم أضيف جميع الحيوانات إللي نظفتها وأضيف لها ماء ساخن ...

ونضع لها فلفل أسود وزنجبيل بودرة حسب الرغبة ..



وأتركها تفور لمدة 10 دقائق حتى تظهر زفارة السلق ..أشيلها ثم نقفل عليه قدر الضغط لمدة 10 دقائق أو ربع ساعة


ثم بعد إنتهاء مدة الطهي...نطفي عليه ونصفي مسلوقة الشوربة ونبدأ نخرج اللحم من الكراب((راح يخرج معاكي بسرعه بعد السلق) ومن السمك ومن الجمبري
ثم أضعهم في طبق الشوربة + عروق بصل أخضر كبيرة + شرائح زنجبيل طويلة + شرائح ليمون + عشبة الليمون ((حتى نصب عليها الشوربة في حال أنتهينا منها






بعد ذلك في قدر جديد نسيح قطعه من الزبدة (ملعقة طعام تقريبا زبدة )و نشوح مرة أخرى بصلة مقطعه قع صغيرة جدا + شرائح زنجبيل طويلة (لاحظو إني مركزة ع الزنجبيل والبصل الأخضر في الشوربة لأنهم إللي يعطوها طعم))
ونضع عليها الأعشاب إللي ذكرتها (طرخون+بصل وثوم معمر)) ونشوح فيها كم حبة جمبري بذيلها وقطع من السمك
عشان التقديم ..








ثم نصب فوقها الشوربة المصفاة ونركها تغلي قليلا ثم نضيف لها كريمة الخفق +(1 ملعقة حليب جوز هند إللي في الصورة محلولة في ربع كوب من نفس مرق المأكولات البحرية ونتركها تغلي ونضبط ملحها










وثم بعد ذلك نصبها وهي ساخنة فوق (لحم الجمبري والكراب والسمك وعروق البصل الأخضر وشرائح الليمون والزنجبيل )حتى تمتزج نكهاتها ...







ثم نصبها في طبق التقديم ونضع كمية من المأكولات البحرية في الطبق مع عروق البصل والزنجبيل وشرائح الليمون ويرش عليها قليل من البقدونس..



وتقدم ساخنة ...وهنا وعافية على قلوبكم ...

شكرا يا شيف ... لذيذ مرة