موضوع: هاد مادلين عدلتهم اليوم وقلت نشاارككم بيهم الجمعة مارس 18, 2011 4:51 pm
المقادير
2 بيضات نصف كاس وافي سكر ربع كاس زيت نصف كاس حليب 2 خمارات صغار انا درت وحدة كبيرة ناقصة شوية شوية من ساشي فلان +2معالق كبار عصيرذ المتواحد عندكم انا درت د خوخ والبرتقال الجاهز الطحين
اول شي نطربو البيض حتى يترغوى ونزيدو السكر وحنا نطربو حتى يبدى يتبدل لون البيض + فلان+ زيت ونطربووو ثم نبداو نزيدو الطحين لي مع الخميرة بالتناوب مع الحليب والعصيير وحنا كنضربوو
الطحين 8 معالق كبار مي الكمية كتزيد او كتنقص حسب جودة الطحين وحجم البيض المهم الخليط ميكونش خفيف لان دي مادلين من الاحسن يكون الخليط تقييل باش يطلعو وميميعوش خاصة ان لاقوالب ديالهم صغيرة وتقريبا كنعمرهم انا ماشي النص لدلك ادا كانو خفاف مجرد ما يطلعو غادي يهبطوو
وصافي نديرهم في القوالب الخاصة بمادلين او كب كيك
وملي طابو انا زينتهم شي بسكر كلاصي شي ببودرة كاكاو شي بكريمة الشكلاط لي كنعتمدها ديما في تزيين الكيك وهي عبارة عن حليب + كاكو خليط بين المسوس والعادي والشكلااط كتاخدي كمية الحليب حسب شحال باغا تحصلي على الكريمة وتزيدي الكاواك وتخليهم في النار ونتي داك الساعة تحكمي في الكتافة دالكريم ادا كانت خفيفة بزاف زيدي الكاكاو ادا تقالت زيدي الحليب ايوا غطست فيه دي مادلين وكب كيك وزينتهم باللوز وطبعا كل واحد ودوقو وماشاء الله عليكم كلكم صلى عالنبي
نسيت مقلتش نفس مادلين انا عدلتهم البارح وعوض الحليب درت دانون يومي ديال الحامض وكيجيو غزالين بيه وممكن بدل الحليب عصيير انا كيعجبني كل مرة وندير حاجة باش ينوع الواحد في الطعم
موضوع: هاد مادلين عدلتهم اليوم وقلت نشاارككم بيهم 
الجمعة مارس 18, 2011 4:51 pm
